صدفة.. بقلم الشاعر/د. عدنان المقطري العدنان

 ....صدفة

.....

د.عدنان المقطري العدنان

بالامس جاء بالمنام

طيفك وسيدينا..

من بعد فرقة سنين

صدفه تلاقينا..

بنفس ذاك المكان

حيث ما تربينا..

صدفه وكان النغم

نفس اللي غنينا..

حتى الزهور عادها

نفس ما تهادينا..

والنهر وماء الغدير

نفس ما تساقينا..

وحتى ظل الشجر

اللي استظلينا..

وعاد ذاك الخميل

ذي فيه صلينا..

وفوق راح الرمال

كم حلم ارسينا..

جفن الزمن مستفاق

من نوم جفنينا..

صدفه وبسمة قدر

شاءت تلاقينا..

وفي ذهول الصدف

صحنا تنادينا..

طوينا كل السنين

فرحه تناسينا..

بفرحة العاشقين

احضان ضمينا..

ومثل الف الحمام

لهفه تزاغينا..

انكرنا شرع الفراق

ارواح اروينا..

وللقاء والوصال

ناموس سنينا..

اقسمنا ان لا نعود

للبين اثنينا..

من بعد جور الزمان

صدفه تلاقينا..

واروينا للضامئات

من فيض قلبينا..

والغاديات امطرت

من دفئ كفينا..

لحظة ضممنا الصدور

بالله سمينا..

قدرنا شاء اللقاء

فرحه تلاقينا..

وحبنا كان قدر

من يوم تهاوينا..

حتى اللقاء والفراق

صدفات قضينا..

بالامس جاء بالمنام

طيفك تصافينا...