حتي ولو كانت ثواني
******
فاكره لما البدر بان
يومها دق عا البيبان
قولت مين علي بابنا خبط
قالي عود الحبهان
يومها كان فايح معطر
كان نهاره حلو سكر
كات حياتنا فل ابيض
والزهور تبدر حنان
ادي النهارده الورد فارق
في الصباح غصنه الندي
دود ف جدره قاسي سارق
بسمه لسه بتبتدي
النهار ضلم عليهم
م الدموع غامت عنيهم
سألتهم طب ايه يراضيهم
ردوا نبتدي قصتنا تاني
ليه ورود وغصون تعاني
قالوا دي اغلي الاماني
يعني ترضوا تعيشوا
ذكري،،،
والمآسي
تعيدوا بكرا
ردوا قالوا نعيشها
تاني حتي لو كانت ثواني
ليست هناك تعليقات:
إرسال تعليق