خلي بالك من لسانك
كلمات زكيه فيصل
الكلمه الحلوة بتراضي وتخلي القلب فرحان
حاجه بسيطه مبتكلفش تسعد بيها حد حزين
في كلمه بتدينا امل وتخلينا حاسين بأمان
وكلمه بتعمل جرح يفضل يوجع سنين
الكلمه ساعات بتبقي سهم بيصيب ويجرح
وساعات بتبقي دوا يشفي الجروح
ساعات بتبقي زرعه شوك في القلب تطرح
وساعات في عز اليأس ترد فينا الروح
الكلمه قادرة تفرح وتحزن وتغير الاحساس
ممكن تخلي مبسوط يزعل في ثواني
وفي لحظه تخلي الزعلان يبقي اسعد الناس
ممكن ترد الروح وتزهر وتورد من تاني
دا الكلمه الطيبه حسنه ويابخته اللي كلامه جميل
كلامه دايما جبر خاطر يدخل القلب يريحه
انسان حساس دايما للخير بيميل
معدنه اصيل ربك بيراضيه ويفرحه
زكيه فيصل
ليست هناك تعليقات:
إرسال تعليق