خيمة عاطف العشق
عاشط عينيكي الحرف ناصب خيامو
يصيف عاساحل عشق والبحرقدامو
يصيف عاساحل عين والبحرازرق
رفاقو القمر والليل ونجمات مانامو
يسكر بكاسة خمر بشفافك تعتق
يقلب حروف الحلا ويسايراقلامو
لما يطل المسا بالسحر يغرق
يسرح بطلة قمر ويجن الهامو
يفرش عاكتف العتم والروح تتشوق
يحضن سرابك جن هيك ايامو
يطل الفجر دبلان والنعس مابيشفق
وينام عاكتف الندى يشوفك باحلامو
توعى البلابل خيط الشمس اشرق
بدمع الحرف والشوق غرق حرامو
يطل الشتي والصيف بعيونك بيخلق
ويغفى الشعر دفيان بحضن الهامو
صيف وشتي هالحرف لعيونك بيعشق
شاعر غزل صايم طول صيامو
عاشط عينيكي هالقلب شوتحرق
خلي نبل عينك يخفف سهامو
الشاعر اليان سمعان
ليست هناك تعليقات:
إرسال تعليق