(سيبوا الناس في حالها )
كل شويه حوار وكلام كل شويه فيلم جديد
غاوين تمثيل أبطال افلامكم من الواقع
لكن القصه ألفتوها وضيفتوا لها جديد
والسيرة شغاله والمشاريب سخن وساقع
دايما حبين تقولوا كلام وخيالكوا الواسع شغال
الصورة اللي انتوا شايفنها دا غلاف علي باب
ساتر لحاجات ولا ليها علاقه بااي كلام بيتقال
وناس شاغلين بالهم بالخلق والطبع فيهم غلاب
سيبوا الناس في حالها وخليكوا في حالكوا
كل واحد بابه مقفول عليه ربه وحده عالم ايه وراه
ترضوا تبقوا انتوا مكانهم ترضوا حد يجيب سيرتكوا
لو مسمعوش كلامكوا عليهم شاهد عليه الله
المظاهر خداعه ولا يعلم بالخلق الا اللي خالقها
بطلوا تفسروا حياة الناس من دمغاكوا
ميعرفش طعم الطبخه ايه غير اللي داقها
سيبوا الناس في حالها ربنا يصلح حالكوا
زكيه فيصل
ليست هناك تعليقات:
إرسال تعليق