الدنيا ما تستهلش
حبوا بعض واخلصوا وسامحوا
الدنيا مش مستاهله زعل وعتاب ولوم
علي لحظه حد بيفارق ويمشي
و مفيش حاجه علي حالها بتدوم
الدنيا بقت مرعبه وكل يوم علي حال
اسالوا علي حبايبكم ومتسبوش حد منكم زعلان
الكلمه الحلوة مش بفلوس ولا هيخسركم حاجه السؤال
عيشوا ببساطه وقربوا وحسسوا بعض بالامان
اسعدوا بعض علي قد ماتقدروا
ومتبعدوش وتنسوا مهما كانت الاسباب
لو بعدتكوا المسافات بقلوبكم احضروا
ولا مال الدنيا ولا كنوزها يعوضوا الاحباب
بلاش تزودا في الخصام وتعاندوا بعض
سامحوا واعذروا والتمسوا الاعذار
قربوا وضموا وحنوا ومتزودوش في البعد
فجاءه الفراق الابدي بيجي ومبيديش انذار
زكيه فيصل
ليست هناك تعليقات:
إرسال تعليق