إنتي مين ؟
إنتي مين يا حلوه
يا بنت تسعه وأولك طين
عيوني كانت فين
لما شوفتك يابنت البني آدمين
خدعوني خدودك وغمزة عيونك
وكلامك وشوية الحنيه
وبعد شويه لاقيتك واحده تانيه
تكشيره ماشوفتش زيها
وحاجات كتير مات فيها قلبها
وتاه الحب واتزرعت الأسيه
وراح الغرام وشعوري بالحنيه
غيرتي طعم الحياه
والدخان ملا المكان من حواليه
وانا اللي إديتك حبي ونور عينيه
دلوقتي تقولي اصله ماكانش ليه
فاكره نفسك مين وزيك كتير حلوين
مهما كنتي وكانت عيونك الحلوين
انتي بنت مين ؟ بنت تسعه واصلك طين
كبر وتعالي وبتتعالي على مين ؟
وحياتنا في الدنيا ايام وسنين معدودين
وكلنا في التراب مدفونين ويوم الحساب
راح تندمي ع اللي عملتيه طول السنين
ابراهيم محمد آدم
ليست هناك تعليقات:
إرسال تعليق