ريم.
عبدالله رجب ابوعدنان
عمري ما حبيت إلا إنتي
تاني فرحتي وبختي
جيتي بعد غياب طويل
شكرت الرزاق الكريم
سميتك احلى إسم يا ريم
طول عمرك زي النسيم
عود فرنساوي جميل
ياما شيلتك بين دراعاتي
ياما خدتك ف حضني
وابوكي مش بخيل
بكره اموت وابقى منسي
افتكري كلامي وما تنسي
ازرعي زرعه
يمكن ترعا
ورشي ميه على قبري
تنولي الثواب الجزيل
امشي بالراحه
الكدب لأ وكله والصراحه
عيون الناس يا بنتي فضاحه
والجنه محتاجه عمل نبيل
وشك نور وإيمان
الهدايه م الرحمن
الكلمه الحلوه والطيبه
وعمل الخير زاد الإنسان
وحبي ليكي مش محتاج دليل
حبي اخواتك يحبوكي
انا أمك وابوكي
وشعري من قلبي بكتبهولك
وعمري ما نسيتك
لا ف النهار ولا ف الليل
ليست هناك تعليقات:
إرسال تعليق