●●●●●●● بيختارك ●●●●●●●
من وسط الدموع دمعة بتختارك
تقرب من جراح قلبك
وتنزل فجأة على نارك
تطفيها
بتطلع واخدة أوجاعك
وترميها
على خدك
ويجري الوقت
ويهدي في نار قلبك
وتنسى الدمعة وتعدى
وتبقى كمان في أفكارك
وتدعي يارب من قلبك
تقله حن على عبدك
فلحظة الدمعة تتبدل
بدمعة جديدة من فرحك
غريب الدمع وأحواله
ومهما تعبت من حاله
بيختارك
●●●●●●●●●●●●●●
شادوليات
شاذلي محمد عبدالرحمن حسين
ليست هناك تعليقات:
إرسال تعليق