عبير الحب
***&***
مع عطر فاح جوايا اسمه عبير
اتولد جوايا عشق كبير
وسألت قلبي وكلي خجل
معقول ياقلبي لسه عندك أمل
ترجع تدق لعشق جديد
وتعيش عذاب الشوق والتنهيد
قاللي هو ده اللي حصل
ولسه عايش في ذهول
اللي بيحصل ده معقول...؟
في يوم وليلة لقيت نفسي بحب
ولقيتيها بتقولي....
وإنت حبيبي اللي جوه القلب
اللي رد الروح لي بعد عيشة الغلب
وسقاني من رحيق شفايفه طعم الحب
بكلام معسول سرى في شرياني
كأني بسمع شدو اغاني
فيها أجمل كلمات ومعاني
نسيت معاه ما كنت أعاني
ده انت إنسان في صورة ملاك جاني
من العذاب والضنا والهجر نجاني
ورجعلي الأمل والحب من تاني
وزرع الورود في بستانى
وكأنك أتخلقت عشاني
***&***&***
سمير بحر
***&***&***
ليست هناك تعليقات:
إرسال تعليق