حاكيني بالوما (بالإشارة)
أُخطفني وطير
فوق سابع سما
بمحل في لغة
ما حدا بيفهما
ومتلن إنت
إحكيني بالوما
وركّز بعينيك
تإفهم عليك
تخربط بالإشارة
وترجع ترسما
وتتوفّر عليك
اكتبني بإيديك
حروف من صوف
غيمة مقسّما
واشبكها بالسنارة
غرزات معلّما
بركي هالختيارة
بخيط بتختما
إحملني وطير
مع النجمات
وإتركلي شي ضو
بين العتمات
وإحكيني قصص
وإرويني حكايات
بنهاية ما حدا
غيرك بيحسما
ونضيّع القمر
تيطول السهر
ويصيرو البشر
يصالحو البشر
ويصفى قلب
صبية مخاصما
ويرجع القمر
ععتاب السما
بعد ليلة سمر
احتفل بموسما
ونرجع عمحطّة
صفّر مبسما
عسكة سفر
ناسا مترسّما
كلاما ما بينفهم
الا بالوما
وإندهلك وإنتْ
عليّ ما ترد
وأعرف إنك صرت
غنّية بدندنا
بليلة خريف
عَضَوْ قنديلي أنا
فاطمة البلطجي
لبنان /صيدا
ليست هناك تعليقات:
إرسال تعليق