عمار يامصر.. بقلم الشاعر/الحاج فوزى سليم

 

عمار يامصر بولادك الغالية.....

 ياام العيون السود يامصر يابهية.....

 ياام الكرم والجود ومآذنك العالية......

 قلبك صحيح أبيض.... وطينك جميل واسمر.... وشعرك محنياه أحمر..... لون علمك ياغالية.....

 إنتى الصبية العفية واللي حاميكي ربك....

 وانتي العفيفة الشريفة في الحسن مين قدك ....

.حوشي دفائرك ياحلوة نازلين علي خدك ...

 إنتي الحنان كله راضعينه من صدرك....

 وايديكي ممدودة لكل من طلب ودك....

 وبطنك يامه شالت ويامه حطت.ياصبرك!!!

وعلي ظهرك تشيلي حمول وده قدرك....

  رجليكي واقفة هرم علي ميراث جدك...

.مديلي إيدك ياحلوة أبوس علي يدك.....

ياأمي ياعظيمة ماحدش في الكمال قدك....