(الشاعر كتلة إحساس)
للشعر الشاعر منذور
وبيكتب بمحبة وإخلاص
وحروفو شعاع من النور
وبيرش الحرف بأحلا عطور
حتى يعطر كل الناس
الشاعر كتلة إحساس
كل العالم برأيو زهور
والزهرة لازم تنباس
ولَ ما يبقى حدا مقهور
ومن دون خمرة ومن دون كأس
اقرا شعرو بتصير مسرور
وبالشعر بيسْكِر كل الناس
الشاعر كتلة إحساس
وبيعتبر حالو مجبور
الفكرة يزرعها بالراس
ويبعدنا عن المحذور
أو عن الوسواس الخناس
وليوعينا بيلف ويدور
من دون حرب ولا متراس
الشاعر كتلة إحساس
وبدل القصيدة فيه منشور
والشعر بطولو ما بينقاس
والشعر لو كان زغيور
وفيه المعنى والحماس
وحقو ما يكون مهدور
المهم يوصل لعقول الناس
الشاعر كتلة إحساس
بقلمي إسحاق قشاقش
ليست هناك تعليقات:
إرسال تعليق