ليلة القدر فين؟
كلمات إبراهيم الأفندى
لو بتسال
لو بتسال هيا ليلة القدر فين.
لو بتسأل اللي أولى بيها مين
هيا مش ديما مكانها فى المساجد
او هتلمسها بجبينك وانت ساجد
هتلاقيها فى بطون المحتاجين
ولا يمكن جنب بق المحرومين
.تحت توب هتلبسة للعريانين
لو بتسال هيا ليلة القدر فين...
بس قوللي ايه لزوم الاسئلة
هيا مش موجودة ديما فى الصله ( اى في الصلاة )
هتلاقيها اكيد عليك متفصلة
وانت بتقدم سعادة للحزين
وانت راجع بإبتسام ارمله
تلمسها على راس اليتيم
وفى الرحم لو فيه صله
بس تسأل
لو بتسال هيا ليلة القدر فين.
لو بتسأل اللي أولى بيها مين
ليست هناك تعليقات:
إرسال تعليق