وحشتني يابابا
بشوفك بقلبي قبل عيوني
وبحس بيك قبل مااشوفك
علي اسمك يا بابا سموني
وروحي اتعلقت بروحك
كنت نور بيتنا واساسه
كنت في عز البرد مدفينا
والهم كنت قافل ترباسه
ومحلفه ولا مرة يجينا
كنت يابابا ظهرنا وسندنا
ولا حاجه في الدنيا تيجي علينا
حاسس بينا حتي في بعادنا
شاغل دايما روحك بينا
وحشني حضنك الدافي
وراحه روحي وأنا جمبك
وجودك يابابا كان كافي
تعبت كتير أنا في بعدك
وحشني بابا بتفاصيله
ولمتنا معاه وسعادتنا
نفسي احضنه واحكيله
واقوله قد ايه وحشنا
دا سيرته الحلوة باقيه له
وورده في بساتين طيبته
بيطرح خير هنيأ له
وباقي له من يوم غيبته
ربنا يرحمك يابابا برحمته
ويرزقك يارب بجنته
ليست هناك تعليقات:
إرسال تعليق