............( شفقه الخلق )...........
ماهو على كيفنا الحال ذي احنا فيه
لكن ظروف اجبرتنا نتقبل و نبتسم
نظهر سرور الوجه و الباقي نخفيه
ونمثل أدوار السعادة مثل ذي بالفلم
ياكم رمانا الوقت ب قسوة مكاويه
وكم من البواطل تحملنا جور وظلم
وكم حبسنا دموعنامن فرط مانلاقيه
و حين سؤلنا ما ذكرنا لمخلوق أسم
نغلف وجعنا بالصمت والألم مانبديه
و نقول الحمد لله على وفير النعم
نموت موت النخيل ورأسنا مانحنيه
و لا ندنق لأي بشر مهما عصرنا الألم
أيش فايدة نقول عن جرحنا ونحكيه
والناس ماهمها غيرحالها لوتفلنا الدم
ياكم من شفقه الخلق بنا جرح نبكيه
و كم نظره منهم مزقتنا لحم و عظم
كم على سبيل المزاح قُتلنا من سفيه
وأنكسر لنا خاطر من ذي شيب وهرم
كم توجعنا وصابنا جرح محد يداويه
غير رب البرايا ذي بكل الأحوال يعلم
الى الله مشتكانا نرفع الكف و ندعيه
و نطلبه العفو والعافية ويجنبنا الندم
✍️أبورأفت إبراهيم الشعراني
ليست هناك تعليقات:
إرسال تعليق