قصيدة بعنوان
(إخلع قناعك؟؟؟؟؟)
إخلع قناعك.
وإلبس الوش الحقيقي.
خليك طبيعي.
سيبك من تذويق الكلام.
أنا ياما إشبعت منك عتاب
وإشبعت منك ملام.
وإشبعت منك خصام.
إشبعت منك مناهده.
وإشبعت منك معافرة.
وفي النكد فوزت بوسام.
فأخلع قناعك وإلبس
الوش الحقيقي.
خلي التفاهم.
منبر الشورى ال بينا.
فقل قرارك وأنا من
حقي أفنده.
وأخد بيه أو ماخدش.
بكل ذوق وإحترام.
وإيه يفيد التعصب
وإيه يفيد التشبث
وتتمسك برأيك
وفي كل شيء إتهام.
أنا قولت لك إنك كبير.
وقولت لك إنك جميل.
وقولت لك إنك حبيبي.
وقولت لك إنك بقلبي.
وتؤام لروحي.
بيكفي إنك في البطاقه
الإسم المدام.
إخلع قناعك.
والبس الوش الحقيقي.
حزفت إسمي
من وجودك
ومن حياتك
ومن تاريخك.
ومن ذكرياتك
ونسيت ماضيك
وأنا كنت فيه
عربون صداقه
وعربون محبه.
وعربون وفاء
وجرعات حنان.
أنا كان عرقي
بيشر دم عشان
تعيش أنا كنت ضلع
وعقاز تتعكز عليه
خلاص راحت علي
والشعر شاب
وبانت تجاعيد الوش.
ومصاب بالجذام.
أنا كنت ليك الحضن ديما.
أنا كنت الإيد ال تشيل.
ال تمسح دموع لما
تذرف على الخدود.
شمعه بتحرق نفسها
تنور دروبك في الظلام.
الكدب عمره ماكان
له أحبال طويله.
سرعان ما بتنقطع.
وبتنكشف على أهون
الأسباب وتبان صغير.
وثمنك وسعرك يقل
و تكون بكام.
كتبت فيك كل القصايد.
وأشعار كتير عشان
تفوق من الكبرياء
ويا الغرور وحاولت.
أفهمك إن التواضع.
صفة المؤمنين.
الطيبين.
وسلامي لك .
مسك الختام
إخلع قناعك.
وإلبس الوش الحقيقي
خليك طبيعي
وسيبك من تذويق
الكلام.......
23/8/2023
(ترنيمات وخواطر .بقلم.........)
(شاعر العاميه/خيرى حسنى..)
ليست هناك تعليقات:
إرسال تعليق