عاتبت قلبي .
مرَق الهوا من حدّ بيتك مستِحي
نسّم عليكِ إنتِ وعمْ تتمرجَحي .
من شفافك النّحلة عم تمصّ الرّحيق
والورد جوري من خدودك مِستحي .
إنتِ البراءة والوداعة كلها وقلبك
عقيق صلّي لخالق ها البسيطة سبّحي .
وكرمالك عصافير عم يِتغندَروا
تمنّوا للحظة لو يكونوا مطرحي .
من وقت ما شفتك سهام الحب
غرزت بقلبي وبعروقي بتسبَحي .
كل ما دخلتِ بحرف هشّم مطرحوا
ما ضلّ دم بجوف حتى تجرحي .
تركتك بقلبي تروحي يمين شمال
وعا حفاف مملكة الهوى تا تمرحي .
راح العمر وغطى الشّيب ختيار
وإنت بقيتِ وعا الشباب بتربحي .
عاتبت قلبي قلّي يا ريت بتسألوا
عندي جوابي قدّ ما بدّك تشرحي .
وحبّك بقلبي أتقل على الميزان
يا ريت كفّة ها الغرام ترجّحي .
عاتبت قلبي .
زجل مهدي خليل البزال .
ديوان الملائكة.
26/4/2023
ليست هناك تعليقات:
إرسال تعليق