في راعي عندو غنم
ومعهم حاطط كلب وديك
فيهم بضلو يهتم
وهيدي قصتهم يا شريك
بليلة شتي بالعتمات
الطقس بردو قارس
هجم ذيب على الغنمات
والكلب نايم مش حاسس
بصدفة حس الديك وهب
وصار يصيح وصوتو يعلي
ومن صوتو وعي الكلب
وصار بأعلى صوتو يعوي
حس الراعي ولحق الذيب
وطردو بسرعة من السيرة
وتايحتفلو ذبحو الديك
وعزمو كل الجيرة
ومتل الضيعة صاير فينا
وعم نمشي عذات الدرب
منقتل الديك الي يوعينا
ومنعمل مسؤول الكلب
ليست هناك تعليقات:
إرسال تعليق