(الحب ما بيعرف هوية )
قالت يا روحي ويا عينيي
تركني وشو بدك فيي
ومن أهلي ما فيه قبول
لإني مسيحية
قلتلها
هالحكي ما إلو أصول
وين هي الإنسانية
وقلبي بحبك مشغول
وساكن قلبي وعينيي
وبِحُبِكْ مني مخجول
يا أحلا وأجمل صبية
وفيكِ عم فكر عطول
والحب ما بيعرف هوية
حبيتك وشو بدي قول
قلبي لِ فرض عليي
وكل عمرو بصدري مغلول
والحب مَنُو بإيديي
وحبي إلك صعب يزول
ولا بينقص واحد بالمية
أعطيني سبب يكون معقول
من الكتب السماوية
وبُعدك عني مش مقبول
وإنسي الطائفية
وحياة عيسى والرسول
بحب تظلي حواليي
وعنك ما بدي حول
وكرمالك بسهر ليليي
ودمي بعشقك مجبول
ومن وجعي ما عاد فيي
وجاييكِ بشهر أيلول
وللشمس لو فيي طول
بقدملك هي هدية
بقلمي إسحاق قشاقش
ليست هناك تعليقات:
إرسال تعليق