....... سفير الطفوله .......
عبدالله رحل الى رب كريم
ساب الدنيا للظُلم والمظاليم
بعد ما نطق وقال جوعان
ملقاش عطف ولا قلب رحيم
سفير الطفوله اصبح كان
استغاثته مش ح تبقا نسيان
ح يشاور على كل إنسان
محسش بجوعه وهو معدوم
عبدالله إستغاث طفل بالفطره
نفسه ياكل !؟ نفسه يشبع مره
ملامحه بتصرخ عييشته مُره
ولا لقا ذرة عطف !؟ لقا خذيان
حرك مشاعر قلب الحيوان
عاشوا معاه مش لاقيين لقمه
عاشوا محرومين من الأمان
ولا لاقيين قلب عنده رحمه
العصافير بكت عليه والحجر
والبساتين والأزهار والشجر
فى الدنيا متحركش قلب بشر
سفير الطفوله عن كل الاطفال
شهيد برىء من كل الذنوب
ملاك طاهر متحملش الضلال
عابد الله خالى العيووب
مات عبدالله بيشتكى لله
ويوم الحساب كله مكتوب
....................................
.... د . حسن الشوان 🇪🇬 ....
ليست هناك تعليقات:
إرسال تعليق