ليه يا مرايتي..!؟
ليه يامرايتي ليه ياحبيبتي!؟
وانا اللي كنت بداري واخبي
كل جروحي وألمي و حزني
جاية دلوقتي بتشمتي فييا
بعد ما زمنك قضي علييا
ورسم بقسوته تجاعيده فييا
اه ياغبية ااااه ياغبية
وانا اللي كنت بدلع فيكي
وضيعت شقا عمري عليكي
ليه يامرايتي؟ ليه ياحبيبتي؟
دا ياااما حكيتلك كل اسراري
ومسحت دموع عيني بحجرك
جاية دوقتي بتغدري بييا
بعد قطار العمر ما عدا
ودبلت كل ايامي الخضرة
صورتي خلاص مابقت عجباك
ووشي معتش تحبه عنيك
بصحيح انك غدارة وخاينة
وكانت قصة حبنا فاشلة
واليوم بعد ماشفت الغدر
في وشك راح اقولك مقدرش
اغشك . يلا فوتيني و روحي
لحالك ياكدابة ياخاينة العشرة
بقلمي الشاعر
د . ابراهيم القماش
ليست هناك تعليقات:
إرسال تعليق