........ ستاير النهاية ..........
أخيرا نزلت ستاير النهاية
لا كلام ولا عتاب
أخيرا إنتهت قصته معايا
كلها لوع وأسباب
خدعنى من اول البدايه
وصدقته بلا حساب
وماصدقتش لما قاللى هوايا
وفى الأخر طلع كداب
وبقيت طاير ف حلم منايا
كلام سراب فى سراب
مين ح يحس باللى جوايا
إلا اللى حس بالعذاب
مش عايز اقول وكده كفايه
وكل اللى بناه ليا تراب
حرمنى من فرحى وهنايا
وعمرى أللى بقا يجرى ورايا
ودفعت تمنه من حضن شقايا
وصوته بسمعه غراب
ولا اسمع سيرته فى حكايه
ولا أشوف صورته في مرايه
ولا أفتكر عمايله فى روايه
ولا اسمع دقته على الباب
.........................................
........ حسن الشوان 🇪🇬 .........
ليست هناك تعليقات:
إرسال تعليق