على النيل
===
زي الليل
مبيداري
العيون والظل
ويحكي من رحيق
صمته
قصص عشاق
وأخبار
الندي والفل
....
وهجر سنين
وجرح قلوب كتير
عايشه
واهات
الملل والغل
....
وناس عاشت
وناس ماتت
وناس لا عايشه
ولا ماتت
وناس تكبر
وناس بتقل
.....
وصمت الليل
لابيعبر
كبير ساكت
ولا صغير
بيتكلم
ولا بيشوف
عيون حلوه
عليه بتطل
....
وزي الليل
ما بيداري
العيون والظل
حاكتب للحبيب
شعري
وح اوهب للحبيب
عمري
وامسح بالقلم
دمعه
وأحط علي الظلام
شمعه
يروح الليل
ويتلاشي
ومكانه النهار
ح يحل
......
وشمس الحب
تجمعنا
ونيلك ياحبيب القلب
يسمعنا
وضحكتنا انا وانت
علي ضفافه
صداها يرن ......
يااااه يا عمي
وجع والله القلب
لما يحن
واحشني صوت خطاوينا
وهي علي شطك يا نيل
بتدن
وصوت ناي
وزقزقة عصفور
في ودني ترن
وفجر يشقشق
ضيه يخلي قلب العاصي
يحن
وزي الليل
ما بيداري
كتير جواه
مكتومه في قلبي الاااه
وصوتي بح ندااه
وانا بسئل
فين حبيبي القاه
واه يا غربتي
والف مليون اااه
بقلمي
بهاء محيسن
ليست هناك تعليقات:
إرسال تعليق