////////+++ماتركتني ف حالي +++////////
جيت نرمي شباكي ارماتني
صابتني مولات النظرة
صابتني نبالها وكواتني
سرقت قلبي خلقت حضرة
ماخلات لي فرصة راحة
لاحتنيي في ميدان لهبال
وانا اغريب هذا الساحة
ملكتني دات ليا هذ البال
رافقتني ياك سافرت بيا
دخلتني ف سرار العشاق
ماتركتني ف حالي شويا
خلطت في لهيام كل لوراق
درت لقلبي زوج جناحات
وللي صابو الحب راه يطيح
ويذوق لحلاوة ياك فرحات
وتسبقو سيادي بسرعة ريح
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق