........ الحقيقه مُره .........
ليه قالوا ع الحقيقة مُره
وجعلوها سيف بتقطع الرقاب
اللسان مقالش عليها مُره
بينطقها وميخافش م العتاب
شهادة بيقولها بكُل ثقه
معانيها واضحة وموثقه
بتتقال بعفووية مُطلقة
بتنطلق على اللسان بالفطره
بيتفتح لها جميع الأبواب
الطبيعه فيها بلا مكياج
الحروف بتتجمع وتتقال
بكل أريحية نُطق المزاج
تنهمر ع الشفايف كا الشلال
ليه نِسوء سمعتها بالمرار
الحقيقه شمس كل نهار
تقهر العتمة فى أى حوار
حائط صد يكره الإذلال
الحق هو الله ومنه الحقيقه
الإنحراف عنه عصيان
وما ادراك مخالفة الحقيقه
وتعذيب وإهانة الإنسان
انوار الحق صريحه وجريئة
كل وقت بتتقال ف الأذان
وعمر مكانت العداله بطيئه
وقتها محسوب بالميزان
......................................
..... د . حسن الشوان 🇪🇬.....
ليست هناك تعليقات:
إرسال تعليق