جاى تندم
بقلمي الشاعر محمد عبد العزيز رمضان
جاى تندم يا حبيبي
جاى تقول أنا مش سعيد
بعد ما ضيعت حبك
صعب ترجع من جديد
لا خلاص كل اللي بِنَّا
راح ومش ممكن هعيد
أى كلمة من كلامك
يا حبيبي بإيه تفيد
فاكر العهد اللي خنته
فاكر الحب اللي كان
كل حرف حبيبي قلته
كان خيال ومالوش مكان
لو حقيقي كنت صنته
قلبي كان حس الأمان
بس يا خسارة أنت بعته
أيوة بعته من زمان
مش هقولك يا حبيبي
مش هقولك غير سلام
مش هسامحك تاني واقبل
يا حبيبي بالملام
يا سنين العمر عدِّي
وامسحي في قلبي الغرام
ياما قلت كتير وياما
تهت تاه مني الكلام
كنت بتمنى بحقيقي
تبقى قصة أو منام
كنت أغلى حاجة عندي
جوا قلبي والعيون
بس فجأة لقيتك انت
حد تاني عليه بهون
قلت هو مش حبيبي
لو حبيبي إزاى يخون
ليست هناك تعليقات:
إرسال تعليق