يا جميل ،،،
يا جميل والرمش كحيل
يا غزال والخصر نحيل
ده الشوق فاض بيا وقلبي
صابر والصبر قليل
يا دلال ومالوهشي مثيل
والروح ف هواك بتميل
ماقدرشي أداري ف حبي
في العين له ألف دليل
يا عيون زي القناديل
وخدود بالعطر تسيل
ما تحن وتقعد جمبي
أو شاور بالمنديل
يا حمام وسامعله هديل
كروان غنى المواويل
سهران ف غرامك جفني
ما بنامشي نهار ولا ليل
يا رموش تجرح وتخيل
ويا شعر سواد الليل
ليه تملي بتتعب قلبي
ليه بس عليا بخيل
ده غرام ومالوش تفسير
وغلبت في حالتي كتير
ماعرفش أنا ايه خلاني
أعشق وأحب جميل
يا جميل
بقلمي/ خالد جمال ١٢/١٠/٢٠٢٦
ليست هناك تعليقات:
إرسال تعليق