زجل
صرخة وجع
نحنا مع بعضنا كلنا اختلفنا
ورثنا خلافنا لأجيال خلفنا
ما فكرنا نمد بيض الأيادي
ونطرح مشاكلنا عاطاولة مؤتلفنا
بعدنا بوجه بعضنا متل الأعادي
على قلوب بعضنا ما تآلفنا
بسوء النوايا وبحقد زيادي
دِمانا بمزراب جهلنا دلفنا
ليش يا عرب هالتمادي
بحق أوطان إلها زلفنا
وبحق شعوب بحقها تنادي
عطونا السلام العليه توالفنا
تعوا. نبحث بعقل هادي
على شو اختلفنا بسوالفنا
أنا وأنتِ برأي بادي
بجوهر الحكمة منكتب مؤلفنا
ونرمي حقدنا بقلب وادي
ونرجع نسلك دروب سلفنا
نعمر بلادنا بصدق المبادي.ء
ونكوي جرحنا بجمر شلفنا
وما نخلي علينا تمتد الأيادي
بوحدة صفنا نوحد حلفنا
ونزرع الأمل بيوم غادي
تينبت السلام بمرج أخضر
خريف النوايا نزت خلفنا
بقلم الشاعر والأديب د يوشع علي إسماعيل
ليست هناك تعليقات:
إرسال تعليق