*أعاتبك*
✍️للشاعر دخيل العطيوي الثقفي
*****************
أعاتبك لجل إن حبك طاف بي حد الجنون
اتكاثر الكلمه متى جتني تعكر لي دمي
بالله لا تعجل على كسري وتلحقني الضنون
لا يابعد من كُنّتِ البسمه على شفة فمي
الشاهد الله ما تغير خاطري لك دون دون
دايم وأنا في شوق وامالي كرمها حاتمي
لك في فؤادي منزله ماهي لحيٍ لو يكون
إنت إختياري والبشر عندي كما الشخص الجفي
ودي معك دايم بوصلك لجل انا أعرفكي حنون
لو تعلمين إني بحبك سرت في عثرة وغي
يفداك عمراً قد بلغ فيه الحزن لو تعلمون
أتيت تركض لي من اللهفه قدر ماهي معي
وش ذنب قلبي تتعبه بالصد يالوجه الحنون
إشلون ترضى تهتني وصويحبك ميت وحي
